أحدث الوظائف

قصيدة .. خطف ذهني

أنا هحكيلكم ع اللى بيحصل فى النهضة ورابعة يا حضرات

اللى بيخطفوا ذهن العالم اللى بتحميه البيادات

مرَّة أنا ماشى ف شارع ضلمة شفت تلاتة من الإخوان

خاطفين شاب وماسكين راسه وبيعصروا ذهنه الغلبان

الأول ماســــــك منشـــــــــــار والتانى ف إيديه مسمار

والتالت عمـــــال بيزعـــــــــــق حاسب ذهنه يسيح يا حمار

ربـــك والحـــــق أنا فــــــــــريت ديلى ف بقى جريت ع البيت

مرعوب خايف م اللى أنا شفته لا اتكلمت ولا اتعشيت

كــل البيت اتلــــم عليَّـــه.. مالك يابا يا أبو الحنيه

لونك أصفر زى لمونة وعرقك أكتر م الحنفيه؟

قمت قفلت بسرعة الباب علشان أفضفض للأحباب

لكن ما لقيتش ابنى محمد هو وبنتى الغالية رباب

فين يا ولاد اختكو وأخوكو إزاى فى الوقت دا يسيبوكو

قالوا اعتصموا ف نهضة ورابعة حسيت إنى ف بيتى شكوكو

وإنى معتق فى الأوهام ومخرب مخى الإعلام

لما بقيت بحلم وأنا ماشى اصحى يا مسلم اوعى تنام

كلمة مفيش بعديها كلام.. حل مشاكلك فى الإسلام

خالد الطبلاوي

عن احمد العبد

اضف رد

إلى الأعلى
shared on wplocker.com